Banka Qendrore e Argjentinës po shqyrton mundësinë e vendosjes së Lionel Messit në kartëmonedha pas fitores në Kupën e Botës

Organi qeverisës financiar i Argjentinës po mendon të përjetësojë fituesin e Kupës së Botës, Lionel Messin, duke e vendosur fytyrën e tij në një kartëmonedhë prej 1000 pesos.

Sulmuesi 35-vjeçar më në fund fitoi trofeun e madh të futbollit të dielën pasi Albiceleste u kurorëzua kampione e botës, pasi mundi Francën e Didier Deschamps me penallti.

Përveçse bëri histori duke u bërë lojtari i parë që fitoi dy herë çmimin si ‘Lojtari më i mirë në Kupën e Botës’, fituesi shtatë herë i Topit të Artë ishte në maksimumin e tij gjatë gjithë eventit të këtij dimri.

Në fakt, i tillë ishte ndikimi i tij në kampin e Argjentinës, ku tani Banka Qendrore e vendit po mendon të nderojë Messin me një gjest të jashtëzakonshëm, sipas gazetës El Financiero.

Sipas mediumit meksikan, organi qeverisës financiar i Argjentinës po shqyrton mënyrat për të festuar fitoren e tyre në Kupën e Botës dhe fytyra e Messit në kartëmonedhën prej 1000 pesos (më gjashtë euro)  thuhet se është opsion i preferuar.

El Financiero vazhdon të pretendojë se ideja fillimisht u propozua ‘me shaka’ nga anëtarët e Bankës Qendrore të Argjentinës.

Por drejtorët, ranë dakord që dizajni i kartëmonedhës do të “zgjonte shpirtin koleksionist të argjentinasve”. /Telegrafi/