Azerbajxhani akuzon për krime lufte ushtarët e saj: Gjymtuan trupat e vrarë të ushtarëve armenë

Azerbajxhani ka thënë se ka akuzuar dy ushtarë të saj për gjymtimin e trupave të vrarë të ushtarëve armenë gjatë konfliktit të fundit në rajonin e diskutueshëm Nagorni-Karabaku.

Burrat dyshohet se filmuan veprimet e tyre dhe publikuan videot në mediat sociale, raporton bbc.

Dy ushtarë të tjerë u arrestuan nën dyshimin për shkatërrimin e gurëve të varreve që u përkisnin armenëve, transmeton Telegrafi.

Prokurori i Përgjithshëm i Azerbajxhanit tha se incidentet ishin “në kundërshtim me mentalitetin e popullit azerbajxhanas”.

Azerbajxhani dhe Armenia kanë njoftuar gjithashtu fillimin e një shkëmbimi të burgosurish.

Lexo po ashtu Gazetarët ushtarakë rusë dyshohen për vrasjen e ushtarit të plagosur azer i kapur si rob lufte

Nagorni-Karabaku ka qenë prej kohësh shkaktar i dhunës midis dy vendeve. Rajoni është njohur si pjesë e Azerbajxhanit, por është drejtuar nga armenët etnikë që nga viti 1994 pasi të dy vendet bënë një luftë mbi territorin që la mijëra të vdekur.

Konflikti i fundit filloi në fund të shtatorit, duke vrarë rreth 5,000 ushtarë nga të dy palët. Të paktën 143 civilë vdiqën dhe mijëra u zhvendosën kur shtëpitë e tyre u dëmtuan ose ushtarët hynë në komunitetet e tyre. /Telegrafi/