Pas rastit të ndodhur në Ferizaj ku mbeti i vrarë 30 vjeçari G.H, avokati Kastriot Zenuni ka thënë se gjendja e të dyshuarit nuk ka qenë në rrezik për jetë por plaga më e madhe e tij ka qenë tek nofulla, dhe ai ka thënë se sipas familjarëve të dyshuarit i ndjeri i ka dërguar foto arkivolesh reperit Buta në rrjete sociale.

Pas ngjarjes së ditës së shtunë në qytetin e Ferizajit ku Q.J vrau shokun e tij G.H, avokati Zenuni ka thënë se i dyshuari pasi që ka shtënë me revole i ndjeri ka ndërruar jetë aty për aty.

“Këtë e ka konstatuar edhe qendra e mjeksisë familjare në Ferizaj”, ka thënë Zenuni.

Sipas tij dyshimet e para kanë qenë tek vetura e cila është djegur nga i ndjeri.

“Sa i përket dyshimeve të para kanë qenë tek vetura edhe nga prokuroria ku i ndjeri ia ka djegur veturën vëllaut të dyshuarit, pra vëllaut të reperit Buta, ku vetura ka një vlerë afro 70 mijë euro që mes tyre ka pasur thëmbime për këtë”, u shpreh Zenuni.

Sipas familjarëve të të dyshuarit, i ndjeri ka dërguar edhe foto me arkivole në rrjete sociale reperit Buta.

Sipas Zenunit, informacionet jozyrtare kanë bërë të ditur se i dyshuari është plagosur nga një zyrtar.

Gjatë ditës së shtunë Krasniqi është ftuar nga Oda e Avokatëve.

“Ditën e shtunë jam ftuar nga Oda e Avokatëve dhe jam caktuar sipas detyrës zyrtare”, ka thënë ai.

Së bashku me kryeprokurorin e prokurorisë themelore në Ferizaj dhe gjyqtarin e procedurës paraprake, Zenuni ka qenë në koordinim ku pas konsultimeve ata janë nisur drejt Prishtinës në QKUK aty ku ishte edhe i dyshuari.

Gjendja e të dyshuarit është konstatuar nga doktorët dhe pastaj është mbajtur seanca dëgjimore në QKUK.

“Kemi biseduar me mjekun kompetent dhe ai e ka konstatuar gjendjen e tij dhe pas kësaj është mbajtur seanca dëgjimore në objektin e QKUK ku dhe prokuroria themelore në Ferizaj ka paraqitur kërkesë për masën e paraburgimit dhe atij i është caktuar masa e paraburgimit”, ka thënë Zenuni.

Teksa Zenuni kishte takuar të dyshuarin, sipas tij gjendja shëndetësore ka qenë jashtë rrezikut për jetë.

Sa i përket dyshimeve të para kanë qenë tek vetura edhe nga prokuroria ku i ndjeri ia ka djegur veturën vllaut të dyshuarit ku ka një vlerë afro 70 mijë euro ku mes tyre ka pasur thumbime për këtë./Portali D/

Regjistrohu në Telegrafi

Avokati Zenuni: I ndjeri i kishte dërguar fotografi të arkivolit reperit Buta

Top Lajme

Promo Reklamo këtu

Nga Rubrika

Në trend Botë

Më të lexuarat