Avokati i Boki 13: Rasti “Haraçi” është politikë e pastër

Prokuroria ka fshehur argumente për këtë rast. Kështu vlerëson avokati i Bokit 13, të akuzuarit të parë në rastin “Haraçi” Sasho Dukovski, i cili tashmë 2 orë po kumton fjalët përfundimtare për këtë rast.

Herë me dozë nervozizmi, herë me dozë ironie, ai po komenton veprimet e prokurores së lëndës Villma Ruskovska për rastin “Haraçi”. Për kohën që ai po flet, Boki 13 po mban nën shikim të pranishmit të gjithë veçmas, për të parë nëse fjalët e tyre përfundimtare të përgatitura po marrin vëmendjen e pritshme.

“Mbrojtja nuk ka prezantuar argumente të mjaftueshme për këtë rast. Gjithçka që kemi parë ishte një video 5 sekondëshe, bankënota prej 50 eurosh, një dorë gruaje dhe tani i dënuari Zoran Milevski me një çantë në dorë. Kjo procedurë ishte politikë pastër dhe brutale”, deklaroi Dukovski.

Sipas Dukovskit është i palogjikshëm edhe ndryshimi i aktakuzës nga ana e prokurorisë, të cilën e quajti të turpshme.

“Në ndryshimin, prokuroria ka theksuar se paratë e veprës penale i akuzuari i ka lëshuar në qarkullim nga periudha nëntor 2017, ndërsa sipas aktakuzës së parë Boki 13, veprën penale thuhet se e ka kryer në nëntor të 2018-tës deri ne prill të 2019-tës”, shtoi ai më tej.

Vërejtje kishte edhe për dëshmitarët e thirrur nga prokuroria, te cilët sipas Dukovskit nuk kanë thënë asgjë me rëndësi për veprën të cilën zhvillohet procedurë gjyqësore.

Pas tij, fjalët përfundimtare duhet ti thotë edhe Bojan Jovanovski./Shenja/