Aubameyang pëlqeu postimin ku thuhet se Potter është shkarkuar nga Chelsea

Pierre-Emerick Aubameyang, i cili nuk është i përshtatur te Chelsea, ka pëlqyer një postim në Instagram që njoftonte largimin e Graham Potter nga Stamford Bridge.

Blutë njoftuan shkarkimin e ish-trajnerit të Brighton të dielën në mbrëmje, pas humbjes 2-0 në shtëpi ndaj Aston Villas.

Raportimet pretendojnë se lojtarët e Chelseat ishte kapur në befasi nga shkarkimi i Potter. Disa u informuan vetëm se ai ishte larguar përmes njoftimit zyrtar të klubit.

Deri më tani ka pasur heshtje nga Cobham, me lojtarët që ende nuk kanë dhënë mendimet e tyre për shkarkimin e Potter, por duket se Aubameyang i ka bërë të qarta ndjenjat e tij. Komunikata e Chelseat u shpërnda në kanalin zyrtar të klubit në Instagram dhe postimi u pëlqye nga Aubameyang.

Ish-lojtari i Arsenalit ka përjetuar një periudhë makthi në Stamford Bridge pas ardhjes së tij nga Barcelona verën e kaluar. Ai u transferua nën drejtimin e Thomas Tuchel, por gjermani u shkarkua pak javë pas arritjes së tij.

Aubameyang ka bërë vetëm 17 paraqitje nën drejtimin e Potter, vetëm nëntë prej tyre janë startues dhe ka shënuar vetëm tre gola. Ai gjithashtu është lënë jashtë skuadrës për secilën nga tre ndeshjet e mëparshme të Ligës Premier.

Sulmuesi gabonez mbeti gjithashtu jashtë listës së Chelseat në Ligën e Kampionëve, ndërsa shpreson që me trajnerin e ri do të ketë më shumë hapësirë. /Telegrafi/