Atletico Madrid dhe Barcelona kanë barazuar me rezultat 1-1 në ndeshjen derbi të javës së 13-të në La Liga.
Pjesa e parë e ndeshjes u karakterizua me dominim të Barcelonës, por që asnjëra skuadër nuk arriti të gjej rrugën e rrjetës.
Në këtë pjesë as raste ideale nuk pati dhe e vetmja gjë që vlen të ceket janë dy kartonë të verdhë, nga një për secilën skuadër.
Edhe pjesa e dytë u karakterizua me dominim dhe posedim të Barcelonës dhe lojë të ashpër nga të dyja skuadrat.
Atletico - Barcelona (Foto: Denis Doyle/Getty Images/Guliver)
Por, ishin vendasit të cilët gjetën golin dhe zhbllokuan rezultatin në këtë derbi.
Luhej minuta e 77-të e ndeshjes kur Diego Costa shënoi me kokë për 1-0 pas asistimit të Antoine Griezmann.
Pas këtij goli, Barcelona u hodh në sulm dhe tentoi dy herë me Lionel Messin (83', 86'), por goditja e tij e parë u prit nga Jan Oblak, ndërsa e dyti shkoi jashtë.
Lionel Messi (Foto: Denis Doyle/Getty Images/Guliver)
Në minutën e fundit të ndeshjes, Barcelona arriti të gjej golin e barazimit me anë të Ousmane Dembele, i cili shënoi për 1-1 pas asistimit të Messit dhe vulosi rezultatin përfundimtar të ndeshjes.
Pas këtij barazimi, Barcelona mbetet lider me 25 pikë, ndërsa Atletico në vendin e dytë me një pikë më pak.
Në ndeshjen e radhës, Barcelona e pret në shtëpi Villarrealin, ndërsa Atletico udhëton te Girona. /Telegrafi/
https://twitter.com/PlayMakerDergi/status/1066444091209195527
https://twitter.com/FootballR_TV/status/1066446439511924742
