Ylli argjentinas, Lionel Messi ka lavdëruar ish-klubin e tij Barcelonën për mundësinë e dhënë talentëve të rinj që vijnë nga akademia.
Messi është kthyer të flasë pas një kohe për ish-skuadrën e tij, Barcelonën, për të cilën ka pasur vetëm fjalë të mira, sidomos sa i përket trajtimit të lojtarëve të rinj.
“Është fantastike të shohësh të rinjtë të marrin mundësitë e tyre te Barca”, ka thënë fillimisht Messi.
“Ata [të rinjtë] përgjigjen në këtë mënyrë sepse e njohin klubin më mirë se kushdo tjetër”.
“Ata janë mësuar të luajnë në këtë mënyrë që kur ishin të vegjël, në La Masia”, përfundoi ylli argjentinas.
Asnjë klub tjetër që lufton për Ligën e Kampionëve nuk mund të mburret me më shumë adoleshentë në formacionin e tyre titullar. Barcelona ka dy 17-vjeçarë si Lamine Yamal dhe Pau Cubarsi që fillojnë ndeshjet e mëdha të Ligës së Kampionëve.
Barcelona gjithashtu ka të rinj si Marc Casado, Gavi, Hector Fort dhe Sergi Dominguez që luajnë ndeshje në La Liga. Ata u edukuan në Akademinë e famshme të Barçës, La Masia. /Telegrafi/
