Astronomët duan të ndërtojnë teleskopin më të fuqishëm sesa Hubble, do të kushtojë 11 miliardë dollarë

Astronomët kanë propozuar zhvillimin e teleskopit që do të mund të kishte mundësi më të mëdha sesa Hubble.

Akademia Nacionale e Shkencave, Inxhinierisë dhe Medicinës, ka publikuar hulumtimin Astro 2020, në të cilin zbulohen planet për investime kur është fjala për pajisje astronomike dhe projekte tjera në SHBA, transmeton Telegrafi.

Në mesin e rekomandimeve që bazohen në hulumtim janë teleskop i ri gjigant i quajtur Great Observatory, që do të zëvendësonte atë ekzistues Hubble. Për shkak të vjetërsimit të harduerit të Hubble, deri më tani inxhinierët kanë hasur në një sërë problemesh teknike.

Për këtë astronomët propozojnë zhvillimin e teleskopit të ri gjigant që do të duhej të kushton hiq më pak se 11 miliardë dollarë.

Teleskopi gjithashtu do të duhej të avanconte kërkimin me jetën jashtë tokës që viteve të fundit ka përparuar dukshëm. Disa prej shkencëtarëve dhe organizata të ndryshme po e përkthejnë investimin në teleskop, si projekt që ka për qëllim gjetjen e jetës inteligjente në hapësirë.

Muajin e kaluar, hulumtuesit nga Universiteti suedez Uppsal, kanë shpjeguar se janë në kërkim të sinjaleve hapësinore të njohura si struktura e sferës Dysnov.

Teleskopi i ri do ta zëvendësonte Hubble i cili është pranë fundit “të jetës”, por gjithashtu do të mundësonte vëzhgimin e planetëve të largëta që janë 10 miliardë herë më të dobëta sesa yjet e tyre. /Telegrafi/