‘Aspiratat’ e princeshës së vogël Charlotte, ajo mund të bëhet mbretëresha e Anglisë pas lindjes së binjakëve? (Foto)

Princi William dhe Kate Middleton pranverën e ardhshme do të bëhen prindër për herë të tretë.

Ardhja në jetë e një fëmije të tretë në këtë familje, do të mirëpritet edhe nga fëmija i madh i familjes, Princesha Charlote, dhe vëllai i saj dy vjeçar, Princi George.

Megjithatë, Charlote do të rritet me një përgjegjësi mjaft të madhe, kjo pasi falë një ndryshimi të sundimit mbretëror, fëmija që vjen në jetë nuk mund t’ia zërë dot fronin.

Në Aktin e Vendosjes të vitit 1701, të gjithë vëllezërit dhe motrat e fëmijëve mbretërorë kishin të drejtë sundimi në fron, pa marrë parasysh kohën kur kanë lindur.

Në prill të vitit 2013 pati një ndryshim nga Seksioni i Aktit të Kurorës, i cili u miratua dhe u zyrtarizua në mars të vitit 2015 vetëm dy muaj para lindjes së Charlotte.

Një ndryshim i tillë është bërë me qëllim që vajzave të familjeve mbretërore, të mos u humbasë e drejta për front edhe pse ndonjë vëlla mund të ketë lindur pas tyre.

Ky ndryshim hyri në fuqi dhe vlen për të gjithë fëmijët e lindur pas 28 tetorit 2011.

Pra Charlotte, tashmë radhitet e katërta në radhë sa i përket frontit, ndërsa të vetmit që mund “t’i pengojnë” asaj rrugën janë fëmijët që mund të sjellë në jetë vëllai i saj George. /Telegrafi/