Asensio reagoi me nervozizëm që nuk u fut në lojë, Ancelotti flet për rastin

Trajneri i Real Madridit, Carlo Ancelotti, ka thënë se e kupton zemërimin e Marco Asensio për mos futjen në lojë gjatë ndeshjes së tyre kundër Mallorcas që mbretërit e fituan 4-1.

Spanjolli u pa duke hedhur një fanellë dhe duke shkelmuar tokën pranë bankës rezervë në minutën e 70-të pasi e kuptoi se nuk do të luante.

Asensio këtë sezon ka luajtur vetëm shtatë minuta në La Liga pasi Ancelotti qartazi nuk e sheh atë si pjesë të planeve të tij.

Asensio angry for not participating in the match ..#RealMadridRCDMallorcalive

pic.twitter.com/KUUVfgzOu0

— 🆉🅸🆉🅾🆄 (@zi_46) September 11, 2022

Megjithatë, italiani ishte empatik ndaj tij gjatë konferencës për shtyp dhe tha se i kupton zhgënjimet e tij.

“Realiteti është se unë doja të bëja dy ndryshimet. Po përgatiteshim nëse nuk e bënim 2-1, të futnim Marianon dhe Asension. Lucas u lëndua dhe kishim vetëm një herë të drejtë të bënim zëvendësim”.

“Po, ai është i zemëruar, jam dakord me të. Është normale, do të thotë se ai dëshiron të luajë, të ndihet i rëndësishëm. Në këtë periudhë ai ka qenë lojtari më i prekur në skuadër dhe këtë e marr parasysh. Jam plotësisht dakord me zemërimin e tij”, ka thënë Ancelotti.

Sulmuesi anësor është në vitin e fundit të kontratës së tij me Real Madridin dhe mund të largohet verën e ardhshme si lojtar i lirë.

With four goals against Mallorca, Real Madrid continues to lead La Liga ..#RealMadridRCDMallorca | #HalaMadrid
pic.twitter.com/BnbIcPihha

— 🆉🅸🆉🅾🆄 (@zi_46) September 11, 2022

Klubet si Arsenali, AC Milan dhe Manchester United thuhet se janë të interesuar për lojtarin. /Telegrafi/