Arrihet marrëveshje për hapjen e korridoreve humanitare për evakuimin e grave, fëmijëve e të moshuarve në Mariupol

Zëvendëskryeministrja e Ukrainës, Irina Vereshchuk, në kanalin e saj në Telegram ka njoftuar se është arritur marrëveshja për hapjen e korridoreve humanitare për evakuimin e grave, fëmijëve dhe të moshuarve në Mariupol.

“Për shkak të situatës katastrofale humanitare në Mariupol, përpjekjet tonat janë fokusuar më shumë atje sot. Kemi arritur marrëveshje për hapjen e korridoreve humanitare për gra, fëmijë e të moshuar”, ka shkruar Vershchuk, transmeton Telegrafi.

Civilëve u janë dhënë instruksione që në ora dy do të shkojnë t’i marrin, dhe se një autokolonë do të lëviz drejt Zaporzhzhia përmes Berdianskut.

Lexo po ashtu Rusët në Donbas grumbullojnë mbi 20 mijë mercenarë nga Siria – pritet të marrin pjesë në fazën e dytë të luftës në Ukrainë

E kryetari i Mariupolit, Vadum Boichenko, ka deklaruar se në Mariupol akoma gjenden 100 mijë banorë derisa dhjetëra mijëra tjerë janë vrarë. Ai shpreson se do të arrijë të sigurojë 90 autobusë me të cilët do të evakuoheshin 6 mijë civilë nga qyteti port.

E nënkryetari i Mariupolit, Sergei Orlov, ka thënë për BBC se rusët po përdorin bomba të rënda të cilat kur shpërthejnë dëgjohen deri në 60 kilometra larg Mariupolit. /Telegrafi/