Arrestohet sulmuesi, detaje të tjera rreth sulmit me hark dhe shigjetë – me disa të vdekur – në Norvegji

Policia arrestoi të dyshuarin, motivet e të cilit ishin fillimisht të paqarta.

Ishte shumë herët për të thënë nëse akti ishte i motivuar nga terrorizmi, sipas policisë.

Policia tha se i dyshuari ishte dërguar në një stacion policie në qytetin e afërt të Drammen, por nuk dha detaje të tjera rreth burrit.

Stacioni TV2 raportoi se burri kishte gjithashtu një thikë dhe armë të tjera.

Kështu shkruajnë mediat e huaja, duke dhënë detaje rreth një sulmi nga i cili raportohet se ka disa të vdekur në Norvegji, përcjell Telegrafi.

Siç ishte raportuar më herët, disa njerëz janë vrarë dhe të tjerë janë plagosur në Norvegji pasi një burrë përdori një hark dhe shigjetë për t’i sulmuar ata.

Lexo po ashtu Disa të vrarë dhe të tjerë të plagosur nga një sulm me hark dhe shigjetë në Norvegji

Sulmi ka ndodhur të mërkurën vonë në qytetin Kongsberg, 80km në jug-perëndim të kryeqytetit, Oslo, tha një zëdhënës i policisë.

#BREAKING: several people have been killed in Kongsberg, Norway in an attack by someone using bow & arrow. Several people were also injured pic.twitter.com/5sh8CSsSrN

— Amichai Stein (@AmichaiStein1) October 13, 2021

Mediat lokale raportuan një operacion të madh të reagimit emergjent në qytet, duke përfshirë policinë e armatosur, dy helikopterë dhe më shumë se dhjetë ambulanca.

The arrows found in the scene https://t.co/VNxT9mD3Qn pic.twitter.com/O6b0ebWtgj

— Amichai Stein (@AmichaiStein1) October 13, 2021

Ndryshe, sulmi vjen 10 vjet pas sulmit më të rëndë terrorist në vend, kur 77 persona u vranë nga një ekstremist i krahut të djathtë.

Më 22 korrik 2011, Anders Behring Breivik shpërtheu një makinë bombë në Oslo, duke vrarë tetë persona, para se të shkonte në ishullin Utoya, ku hapi zjarr ndaj pjesëmarrësve të kampit vjetor veror të mbajtur nga organizata rinore e partisë së Punës, duke vrarë 69 vetë , kryesisht adoleshentë dhe të rinj. /Telegrafi/