Ardhja e Amorim i nxjerr punë Juventusit – Zirkzee tani e ndjen besimin që Manchester United ka tek ai

Juventusi është ende i etur për të negociuar një marrëveshje me Manchester United për sulmuesin Joshua Zirkzee, por emërimi i Ruben Amorim në “Old Trafford” e vë në rrezik këtë gjë.

Juventusi është në kërkim të një sulmuesi të ri në janar për të konkurruar me Dusan Vlahovic dhe raportimet gjatë javëve të fundit kanë treguar se një marrëveshje huazimi për Zirkzee është opsioni ideal për Bianconerët.

Zirkzee u ble nga Bologna gjatë verës për 53 milionë euro, por nuk e ka shijuar Ligën Premier.

Holandezi shënoi në debutimin e tij në ligë për Djajtë e Kuq, por më pas shkoi në 12 paraqitje me vetëm një gol.

Kjo ndodhi deri në fundjavën sapo mbaroi, kur Zirkzee shënoi dy herë në një fitore me rezultat 4-0 ndaj Evertonit në Ligën Premier, duke luajtur në një rol mbështetës pas Marcus Rashford, qendërsulmues, një pozicion që mund ta nxjerr më të mirën nga holandezi.

Lexo po ashtu Man Utd synon një shkëmbim të madh të lojtarëve me Juventusin

Megjithëse Amorim ka vetëm dy ndeshje në ligë në karrierën e tij në Manchester United, tashmë ka besim në rritje se ai do të jetë në gjendje të nxjerrë më të mirën nga Zirkzee, gjë që mund të dëmtojë shpresat e Juventusit për ta nënshkruar me të në janar.

Sipas Calciomercato.com, kishte një lloj marrëveshjeje midis drejtorit sportiv të Juventusit, Cristiano Giuntoli dhe agjentit të Zirkzee, Kia Joorabchian, që nëse lojtari do të largohej nga Manchester në javët e ardhshme, ai do të nënshkruante për Juventusin.

Sidoqoftë, me besimin e ri te 23-vjeçari, do të thotë se një lëvizje te Juventusi në janar mund të jetë në rrezik. /Telegrafi/