Arben Zeqiri parashikon Superligën e Kosovës: Nga kampioni, te Kupa e Kosovës dhe skuadrat që bien nga elita

Superliga e Kosovës në futboll ka startuar dhe pritet të jetë një edicion spektakolar, duke parë lëvizjet e skuadrave në këtë afat kalimtar. 

Gara për titull, Kupën e Kosovës, por edhe daljen në Evropë dhe mbijetesën do të jetë shumë e nxehtë deri në fund. 

Ish-futbollisti i njohur, tanimë në rolin e analistit Arben Zeqiri ka parashikuar për fundin e sezonit 2024/25 në Albi Mall Superligën e Kosovës. 

Duke iu përgjigjur disa pyetjeve nga redaksia e sportit në Telegrafi, Zeqiri ka parashikuar se kush shpallet kampion, kush del në Evropë, fituesin e Kupës së Kosovës, por edhe skuadrat që bien nga elita. 

Zeqiri e sheh Dritën si kampion të Kosovës për edicionin 2024/25, derisa Ballkanin si fitues të Kupës së Kosovës. Gjithnjë sipas Zeqirit në garat evropiane do të dalin Drita, Ballkani, Llapi dhe Gjilani. 

Ai ka parashikuar që nga elita do të largohen Dukagjini dhe Feronikeli ’74, derisa si befasinë e kampionatit e sheh Ferizajn. 

View this post on Instagram

A post shared by Telegrafi Sport (@telegrafisport)

Tutje Zeqiri ka parashikuar sulmuesin e Ballkanit, Sunday Adetunji, si top shënues në edicionin 2024/25, derisa lojtari që duhet parë sipas tij është Etnik Brruti. 

Oltion Bilalli është lojtari që do të befasojë për të mirë këtë edicion në Superligë. /Telegrafi/