LAJMI I FUNDIT:

Apple zbulon dobësi serioze të sigurisë për iPhone, iPad dhe Mac

Apple zbulon dobësi serioze të sigurisë për iPhone, iPad dhe Mac

Apple ka zbuluar dobësi serioze të sigurisë për iPhone, iPad dhe Mac, të cilat potencialisht u mundësojnë hakerëve të marrin kontroll të plotë mbi pajisjet.

Nga Apple thanë se “janë në dijeni mbi një raport se kjo çështje mund të jetë shfrytëzuar në mënyrë aktive”.

Ekspertët e sigurisë kanë këshilluar përdoruesit që menjëherë t’i përditësojnë pajisjet e prekura nga ky problem – iPhone 6s dhe modelet pasuese, iPad-ët e ri, dhe kompjuterët Mac që fuqizohen nga macOS Monterey, transmeton Telegrafi.

Të prekura nga ky sulm janë edhe disa modele të iPod.

Në një përditësim të sigurisë në faqen e saj, Apple tha se një nga të metat e saj nënkuptojnë se një aplikacion qëllimkeq “mundet që të ekzekutojë një kod arbitrar me privilegje të bërthamës”, të cilën Sky News e përshkruan si një qasje të plotë në pajisje.

Mesazhi i Apple për përditësim të softuerit

Apple nuk dha ndonjë informacion shtesë mbi atë se si shumë përdorues u prekën nga kjo dobësi e sigurisë.

Paralajmërimi tek përdoruesit vije para lansimit tradicional në muajin shtator të iPhone-it më të fundit, e që këtë vit pritet që të titullohet iPhone 14. /Telegrafi/