Apple TV Streaming mund të lansohet shumë shpejtë

Për një kohë të gjatë tashmë janë dëgjuar thashethemet në lidhje me shërbimin e ri të Apple TV streaming, dhe tani sipas një raporti të kohëve të fundit thuhet se shërbimi është shumë më afër lansimit.

Më saktë, sipas një raporti të ri nga New York Post thuhet se negociatat e Apple me rrjetet televizive janë vënë në lëvizje në mënyrë të konsiderueshme.

Apple ka kërkuar nga rrjetet televizive për të filluar negociatat me filialet e saj në emër të Apple, për të siguruar TV lokale në rajone të ndryshme të SHBA-ve.

Nëse Apple arrin që shpejtë t’i finalizojë një numër të marrëveshjeve me rrjetet televizive, atëherë kjo mund të nëkuptojë se shërbimi i ri i kompanisë Apple mund të fillojë më vonë këtë vit, ndoshta në shtator.

iPhone 6S dhe 6S Plus pritet të prezantohen zyrtarisht në shtator dhe në qoftë se Apple arrin të arrijë marrëveshje me rrjetet televizive deri në këtë kohë, shumë lehtë mund të ndodhë ta shohim Apple TV streaming si shërbimin më të ri të kompanisë amerikane. (Telegrafi)