Ashpërsimi i masave të reciprocitetit ndaj Serbisë nga ana e qeverisë në detyrë, është kundërshtuar nga ana e presidentit të vendit Hashim Thaçi. Ky kundërshtim nga ana e organizatave të shoqërisë civile po shihet si arsye sepse kreu i shtetit dëshiron që Kosova të kthehet sa më shpejt në dialog.
Qeveria në detyrë, ka marrë vendim për ashpërsimin e masave të reciprocitetit ndaj Serbisë, ku çdo maunë që hynë në Kosovë duhet ta ketë të shkruar në dokumente “Republika e Kosovës”. Për këtë vendim presidenti Hashim Thaçi ka deklaruar se kryeministri në detyrë Albin Kurti po e vazhdon mashtrimin patriotik dhe se po cenon raportet e Kosovës me SHBA-të dhe BE-në.
Arton Demhasaj nga organizata “Çohu” thotë se çfarëdo mase që do të vendoset e që do ta pengonte dialogun do të kundërshtohet nga presidenti, pasi që sipas tij mendimi i presidentit është që Kosova sa më shpejtë të kthehet në dialog.
“Ne e dimë cila është ideja apo mendimi i presidentit Thaçi, ai është që sa më shpejt Kosova të kthehet në dialog. Me gjasë në një periudhë të shpejtë dhe të arrijmë një marrëveshje ta themi përfundimtare në mes Kosovës dhe Serbisë. Në drejtim të kësaj çfarëdo mase që vendoset do ta pengojë këtë dialog dhe me gjasë presidenti do të jetë kundër. Presidenti ka qenë kundër edhe në kohën kur në qeverinë e kaluar është vendosur taksa dhe ka kërkuar vazhdimisht që taksa të hiqet dhe normalisht edhe tash kërkon që reciprociteti të mos vendoset ose tash pasi që është vendosur të hiqet, në mënyrë që t’i hapet rrugë dialogut. Sepse çdo masë që vendoset e që në një mënyrë mund ta pengojë të paktën idenë e tij për dialogun ai do ta kundërshtojë”, thotë ai, raporton KP.
Edhe Rreze Hoxha nga Grupi për Studime Juridike dhe Politike, thotë se kundërshtimi i reciprocitetit nga ana e presidentit ka qenë e pritshme, pasi sipas saj fokusi i kreut të shtetit është që procesi i dialogut të vazhdojë dhe të ketë një përfundim sa më të shpejtë.
“Që nga momenti kur kanë filluar të diskutohen vendosja e masave të reciprocitetit ka pasur një kundërshtim direkt nga ana e presidentit, ngaqë i njëjti ka qenë më i fokusuar në krijimin e mundësisë së vazhdimit të procesit të dialogut me Serbinë nën termat e Serbisë. Kjo bile është ose konsiderohet të jetë njëra ndër arsyet edhe të prishjes së koalicionit dhe votimit të mocionit të mos besimit ndaj qeverisë Kurti, gjë që ne mendojmë se ka qenë orkestrim i presidentit. Do të thotë, kjo gjë ka qenë e pritshme dhe pritet që presidenti t’i kundërshtojë këto masa, meqenëse fokusi i tij është që procesi i dialogut të vazhdojë dhe të ketë një përfundim sa më të shpejtë”, deklaroi ajo.
Njëjtë shprehet edhe Eugen Cakolli nga Instituti Demokratik i Kosovës, i cili kundërshtimet mes presidentit Thaçi e kryeministrit në detyrë Kurti i sheh në kuadër të ballafaqimit të tyre ditor politik.
“Të gjitha mospajtimet dhe kundërthëniet që kanë pasur dy liderët kryesorë institucionalë i shoh në kuadër të prizmit të mospajtimeve të vazhdueshme që ata kanë sa i përket fazës përfundimtare të dialogut. Pra, në njërën anë kemi presidentin Thaçi i cili në vazhdimësi i ka shtyrë përpara heqjen e të gjitha masave, në mënyrë që të respektohet kërkesa sidomos e SHBA-ve për një gjë të tillë dhe që të hyjmë në fazën përmbyllëse të dialogut. Në anën tjetër nga ajo çka kemi parë kryeministri në detyrë Kurti ka pasur një qasje dukshëm më hezituese për një fazë të tillë duke e vlerësuar atë si ende jo të duhur, për shkak se nuk janë bërë as përgatitjet e nevojshme, mirëpo as nuk ekziston një plan se çka do të trajtohet në një marrëveshje eventuale”, shprehet ai.
Ashpërsimin e masave të reciprocitetit e ka kundërshtuar edhe Përfaqësuesi Special i BE-së Miroslav Lajcak. Ndërkohë, që heqje të reciprocitetit ka paralajmëruar i mandatuari për kryeministër Avdullah Hoti.
Qeveria e Kosovës më 31 mars kishte marrë vendim për heqjen e taksës prej 100 për qind për mallrat serbe dhe vendosjen e dy masave tregtare të reciprocitetit.
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Knaus "godet" sërish: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City