Vrasje në tentativë në Gjakovë, dy të dyshuar e therin një person me thikë dhe ikin
29/03/2025
Policia e Kosovës ka njoftuar për një vrasje në tentativë në Gjakovë.
Rasti ka ndodhur të premten në ora 00:25 në rrugën “Skënderbeu”.
“Raportohet se dy të dyshuar të panjohur kanë sulmuar fizikisht duke e therur me thikë viktimën mashkull kosovar”, thuhet në raport.
Viktima ka pësuar lëndime të rënda dhe është dërguar në QKUK.
Policia njofton se të dyshuarit kanë ikur nga vendi i ngjarjes me një veturë, ndërkaq rasti po hetohet. /Telegrafi/