Melania Trump ka reaguar ndaj thashethemeve se ajo dhe burri i saj, Donald Trump, flenë në dhoma të ndara.
Ish-modelja ka qenë vazhdimisht shënjestër e spekulimeve prej se burri i saj fitoi zgjedhjet për president të Shteteve të Bashkuara të Amerikës.
Është thënë se sllovenia 46-vjeçare nuk është e kënaqur me të qenit Zonja e Parë, ndërsa sjelljet e Donald ndaj saj janë etiketuar si "të tmerrshme".
Së fundmi, një njoftim i ri në US Weekly përhapi spekulime se çifti më i fuqishëm në botë nuk fle në të njëjtin krevat.
Një burim familjar ka thënë: "Ata kanë dhoma të ndara". Ndërsa një burim tjetër ka theksuar: "Ata asnjëherë nuk kanë fjetur bashkë".
Mirëpo, përfaqësuesit e Melanias i kanë përgënjeshtruar këto njoftime duke thënë se lajmi është krejtësisht i rrejshëm, duke mos dhënë detaje të tjera.
"Është për të ardhur keq që po përmendni burime anonime që kanë krijuar llogari të fabrikuara", ka thënë zëdhënësi i Zonjës së Parë për US Weekly.
Ndryshe, Melania vazhdon të jetoj në Trump Tower në New York derisa djali Barron ta përfundojë vitin shkollor. /Telegrafi/