13/08/2018
Barcelona nuk gaboi në finale të Superkupës së Spanjës ndaj Sevillas.
Klubi katalunas fitoi me rezultat 2-1, por për këtë ndeshje vazhdon të flitet ende.
Pasi Sevilla shënoi golin e parë, Lionel Messi u aktivizua duke tentuar që të bëjë diferencën në fushë dhe të ndihmojë shokët e skuadrës të barazojnë rezultatin.
Në minutën e 16-të argjentinasi dhuroi një pasim magjik për Luis Suarezin, por ky i fundit nuk arriti ta shndërrojë në gol.
Por, ka mjaftuar ky veprim nga Messi dhe shumë tifozë ta shpërndajnë në rrjete sociale.
31-vjeçari nuk shënoi në këtë ndeshje, por më rëndësi skuadra e tij fitoi në fund.
Ky ishte trofeu i 33-të i Messit me skuadrën nga Camp Nou, duke kaluar kështu Andres Iniestan. /Telegrafi/