Veshja e pazakontë për orën e ushtrimeve të vallëzimit (Video)

Nxënësja e njohur vetëm si Willow nga Teksasi i Shteteve të Bashkuara, ka zgjedhur të vishet për orën e vallëzimit si një hotdog gjigant.

Derisa shoqet e saj kishin fustane që sikur të princeshave nga përrallat, ajo kishte zgjedhur diçka të pazakontë dhe që i pamundësonte vallëzimin si duhet, transmeton Telegrafi.

“Ishte e vendosur dhe nuk kishte shanse ta ndryshonte mendjen. Shoqet e saj dukeshin për mrekulli, ndërsa ajo dëshironte të dukej ushqim”, kanë shkruar prindërit e Willow lidhur me rastin.

Këmbëngulja e saj ka bërë që shumë njerëz ta shpërndajnë videon, e cila tashmë është duke bërë xhiro në rrjetin social. /Telegrafi/