Trump pyetet nëse mendon se Putini po e mashtron
17/10/2025
Presidenti amerikan Donald Trump është pyetur nëse presidenti rus Vladimir Putin po e mashtron për kohë duke propozuar një tjetër samit ballë për ballë me udhëheqësin amerikan.
Kjo pasi një takim i tillë ka të ngjarë të shtyjë vendimin e Trumpit nëse do të lejojë Ukrainën të përdorë raketat Tomahawk në luftë.
Volodymyr Zelensky tha dje se Rusia po "nxitonte të rifillonte dialogun ndërsa dëgjonte për Tomahawk".
I pyetur nëse Putini po e mashtronte, Trump tha: "Është e mundur. Më kanë mashtruar gjithë jetën.”
"Por unë jam mjaft i mirë në këto gjëra nëse ai dëshiron të bëjë një marrëveshje."
Ndryshe, Trump dhe Zelensky janë duke mbajtur takim në Shtëpinë e Bardhë. /Telegrafi/