Tre lojtarë të Argjentinës nuk mund të luajnë kundër Angolës sepse nuk janë vaksinuar
Ekipi i futbollit të Argjentinës do të dobësohet ndjeshëm në një ndeshje miqësore kundër Angolës më 14 nëntor dhe arsyeja është mjaft e pazakontë.
Konkretisht, ekipi kombëtar argjentinas i futbollit është mbledhur në Elche të Spanjës, ku do të stërvitet deri të enjten, kur do të udhëtojë për në Angolë.
Edhe pse stërviten me shokët e tyre të ekipit, Julian Alvarez, Giuliano Simeone dhe Nahuel Molina, të gjithë nga Atletico Madrid, nuk do të udhëtojnë për në Angolë sepse nuk e kanë marrë vaksinën kundër etheve të verdha në kohë, e cila është e detyrueshme për të hyrë në Angolë.
🚨 𝗕𝗥𝗘𝗔𝗞𝗜𝗡𝗚: Julián Álvarez, Giuliano Simeone, and Nahuel Molina are out of the Argentine National Team's tour for not having the vaccines required to enter Angola.
— @gastonedulpic.twitter.com/01F6SxUxUJ
— The Touchline | 𝐓 (@TouchlineX) November 10, 2025
Trajneri argjentinas Lionel Scaloni do të duhet të gjejë zgjidhje në krahun e djathtë dhe në krye të sulmit për duelin kundër Angolës, dhe përveç të treve, nuk do të jetë në gjendje të luajë Enzo Fernandez, i cili është i lënduar.
Ndeshja miqësore midis Angolës dhe Argjentinës do të luhet të premten, duke filluar nga ora 17:00. /Telegrafi/