25/10/2019
Gjilanit i ka kushtuar shumë lëshimi në organizim në takim ndaj Llapit, ndeshje që e fituan me rezultat 3-0.
Në fund të ndeshjes tre persona e sulmuan gjyqtarin Meriton Berisha, derisa ai ishte duke shkuar drejt zhveshtoreve.
E ky sulm ndaj gjyqtarit Berisha i ka kushtuar Gjilanit me dënim të fushës dhe me të holla.
FFK e ka dënuar me dy ndeshje jashtë terrenit të vet Gjilanin dhe pa tifozë dhe me shumën prej 5,000 eurove.
Lajmi është konfirmuar edhe nga Federata e Futbollit të Kosovës.
Tre persona janë përcjellur në polici pas sulmit ndaj gjyqtarit. /Telegrafi/