Shtyhet seanca e Këshillit të Prokurorëve Publik të Maqedonisë
25/05/2017
Edhe sot është shtyrë seanca e Këshillit të Prokurorëve Publik (KPP), ndërkaq ky veprim arsyetohet me tre pika të ndryshme, përcjell Telegrafi Maqedoni.
Më e rëndësishmja është çështja e zgjedhjes së qeverisë së re, që pastaj të zgjidhen anëtarët e rinj të KPP-së. Gjithashtu, seanca u shty për shkak të rendit të ditës, si edhe për shkak të mungesës së dy anëtarëve të KPP-së.
Kryetari i Këshillit, Petar Anevski, theksoi se situata është alarmante, posaçërisht në prokuroritë themelore./Telegrafi/