Leeds United mund të bëhet njëra ndër skuadrat më të fuqishme në botën e futbollit, pasi në këtë verë mund të ndryshojë pronar.
Investitorë nga Katari janë në bisedimet me pronarët e skuadrës angleze për t’i blerë të gjitha aksionet e klubit para se të fillojë sezoni i ri.
Sipas Financial Times, ‘Qatar Sports Investments’ që poashtu e kanë në pronësi edhe Paris Saint-Germainin, duan ta blejnë Leeds Unitedin.
Pronari aktual i skuadrës angleze, Andrea Radrizzani, thuhet se ka filluar bisedimet me investitorët nga Katari për shitjen e klubit.
Vlera aktuale e Leeds në treg është 500 milionë euro, mirëpo italiani po kërkon mbi 700 milionë euro, ndërsa ka marrë oferta edhe nga gjashtë investitorë të tjerë.
Skuadrat angleze në sezonin e ri do të luajë sërish në Championship, pasi dështuan në 'play-off' që ta mposhtnin Derby Countyn dhe të afroheshin më shumë rikthimit në Ligën Premier. /Telegrafi/