Philadelphia triumfon ndaj Torontos dhe kalon në epërsi në serinë gjysmëfinale
Philadelphia 76ers ka marrë fitoren e dytë në ndeshjen gjysmëfinale në Konferencën e Lindjes.
Para adhuruesve të vet, 76ers u treguan më të mirë se Raptors që nga fillimi i ndeshjes duke triumfuar në fund me 21 pikë epërsi 116:95.
Qendra Joel Embiid ishte fantastik në këtë takim, duke shënuar 33 pikë, 10 kërcime, tri asistime e pesë bllokada.
Me lojëtë mirë u dallua edhe Jimmy Butler që shtoi 22 pikë, nëntë kërcime e po aq asistime.
Ndërsa me pikë dyshifrore ndeshjen e përfunduan edhe JJ Redick, Harris, Simmons e Enis III.
Kawhi Leonard me 33 pikë e katër kërcime, ishte më efikasi tek Raptors, ndërsa Siakam shtoi 20 të tjera.
Pas kësaj fitore, Philadelphia ka kaluar në epërsi 2-1 ndaj Torontos, ndërsa edhe ndeshjen e radhës do ta zhvilloj para adhuruesve të vet. /Telegrafi/