Këngëtarja e njohur Vesa Luma dhe bashkëshorti i saj, reperi Big Basta, prej vitesh janë zhvendosur për të jetuar në Zelandën e Re.
Ditën e sotme (e diel) në shumë vende të botës kremtohet 'Dita e Baballarëve', përfshirë këtu edhe vendin e lartpërmendur.
Me këtë rast, artistja shqiptare ka shprehur fjalët më të bukura për partnerin e saj tashmë shumëvjeçar në ditën e rëndësishme.
“Gëzuar babait që lëviz malet për këtë vogëlush. Të duam nga Zelanda e Re dhe mbrapa”, ka shkruar Vesa, teksa ka ndarë disa fotografi të Big Bastës me Lianin.
Dyshja duken mjaft të lumtur në fotot e realizuara ndër vitesh dhe siç shihet ky është shembulli adekuat i një babai të përkushtuar.
Vesa dhe reperi nga Shqipëria nga martesa e tyre kanë një djalë të vetëm të quajtur, Lian.
Çifti po ashtu kanë paralajmëruar edhe një projekt së bashku, i cili pritet të prezantohet së shpejti para fansave të tyre. /Telegrafi/