Ndërron jetë ministri i Qeverisë së Bosnjës, Salko Bukvareviq - rezultoi pozitiv në testin e COVID-19
29/07/2020
Salko Bukvareviq, ministër në Qeverinë e Bosnje dhe Hercegovinës, ka ndërruar jetë sot në ora e para të mëngjesit në klinikën e pulmologjisë pranë Universitetit të Sarajevës.
Gjendja e tij shëndetësore ishte përkeqësuar të hënën, e disa ditë më herët kishte qenë në oksigjenoterapi, por kjo nuk mjaftoi për shkak të inflamacionet të thellë në mushkëri, transmeton Telegrafi.
Për këtë mjekët dje e kanë futur në respirator, por Bukvareviq në testin e COVID-19 është konstatuar se ka rezultuar pozitiv.
Ai ushtroi funksionin e ministrit në Qeverinë e Bosnjës dhe Hercegovinës që nga vitit 2015. /Telegrafi/