Mbrojtësi i Real Madridit, Nacho Fernandez, i ka bërë thirrje Los Blancos që mos të jetojnë në të kaluarën.
Spanjolli ka thënë se skuadra nga Madridi duhet të ndalojë së menduari se si do të ishin me Cristiano Ronaldon në skuadër.
"Cristiano Ronaldo vendosi që të largohet nga Real Madridi", ka thënë Nacho pas humbjes ndaj CSKA Moskës.
"Ne lojtarët nuk mund të bëjmë asgjë rreth kësaj dhe tani ai është vetëm një lojtar në historinë tonë, ishte vendimi i tij dhe ne vetëm mund ta respektojmë atë, dhe se çfarë ka arritur për këtë klub".
"Ne nuk mund të jetojmë në të kaluarën ose të mendojmë se si do të ishte skuadra me atë, sepse ishte zgjedhja e tij të largohet".
"Futbolli është diçka e komplikuar, ne krijuam shumë shanse për gol, merituam fitoren".
"Ne nuk jemi mësuar të mos shënojmë në tre ndeshje dhe kjo na dhemb, por nuk do të thotë se ne do të ndalojmë së punuari", ka shtuar Nacho. /Telegrafi/