Lyoni shkon në pushimin e pjesës së parë me epërsi ndaj Manchester Cityt

Ka përfunduar pjesa e parë në mes të Manchester Cityt dhe Lyonit që po zhvillohet në kuadër të çerekfinales së Ligës së Kampionëve.

Skuadra franceze ka shkuar në pushimin e pjesës së parë në epërsi ndaj Citizens edhe pse këta të fundit e dominuan 45 minutëshin e parë.

Pas 24 minutash lojë në stadiumin 'Jose Alvalade', Lyoni kaloi në epërsi me anë të sulmuesit Maxwel Cornet që shënoi një gol të bukur në portën e Ederson Moares.

Citizens më pas filloi të luante një lojë më të ashpër, nga aty ku Fernandinho (29') u ndëshkua me karton të verdhë.

Në minutën e 33-të, Memphis Depay lëshoi një harkim në zonë, mirëpo mbrojtja e Cityt e largoi atë nga zona e rrezikut.

Dy skuadrat nuk patën më ndonjë rast serioz, derisa djelmoshat e Pep Guardiolës do të tentojnë të bëjnë më shumë në pjesën e dytë, që së paku të barazojnë rezultatin e më pas të tentojnë të përmbysin atë, në rast se Lyoni nuk kundërpërgjigjet. /Telegrafi/