Liverpooli ka fituar kundër Burnleyt me rezultat të ngushtë 2-1.
Skuadra e Jurgen Klopp ka arritur të marr një fitore të madhe ndaj Burnleyt, pasi në fillim ishin duke humbur me rezultat 1-0, por arritën të kthehet dhe të fitojnë në fund.
Burnley e nisi lojën më mirë duke shënuar një gol të shpejt në minutën e shtatë me anë të Ashley Barnes, i cili shënoi një gol të bukur dhe përmbylli një aksion të mirë nga asistimit Matthew Lowton.
Pas këtij goli të pësuar, ‘Reds’ u hodhën në sulm me të gjitha forcat, por golin e barazimin e gjetën vetëm në minutën e fundit të pjesës së parë, ku Georginio Wijnaldum shënoi nga afërsia për 1-1 dhe skuadrat shkuan në pushim.
Në pjesën e dytë, skuadra nga Anfield arriti të shënoj edhe një gol dhe të kalojë në epërsi ndaj Burnley me rezultat 2-1.
Ishte mesfushori turko-gjerman, Emre Can, i cili shënoi një gol të bukur nga distanca në minutën e 61 pas asistimit të Divock Origit dhe kaloi skuadrën e tij në epërsi.
Deri në fund të takimit, Reds arritën të ruajnë mirë epërsinë dhe në fundit iu gëzuan fitores 2-1 kundër Burnleyt.
Pas kësaj fitore, Liverpooli renditet në vendin e katërt me 55 pikë, ndërsa Burnley në vendin e 12 me 31 pikë. /Telegrafi/
https://www.dailymotion.com/video/x5elt25_0-1-ashley-barnes-amazing-goal-hd-liverpool-vs-burnley-premier-league-12-03-2017_sport
https://www.dailymotion.com/video/x5elvhw_iuagruuiriulgurf_sport
https://www.dailymotion.com/video/x5elxuc_emre-can-goal-hd-liverpool-2-1-burnley-12-03-2017-hd_sport