Sot në Piemonte, aty ku gjendet edhe Torino, është marr vendim që shkollat të mos punojnë deri me 8 mars, por ende nuk ka vendim për ndeshjen Juventus – Milani.
Ndeshja kthyese e Kupës së Italisë, mes Juventusit dhe Milanit do të zhvillohet të mërkurën në Torino, ndërsa ndeshja e parë ishte mbyllur 1-1.
Ende nuk ka asgjë zyrtare sa i përket pjesëmarrjes së tifozëve- megjithëse mund të ketë disa kufizime të veçanta, por në fund është ngjallur sërish hipoteza të zhvillohet me dyer të mbyllura.
Sot guvernatori i Piemonte, Alberto Cirio, nënshkroi urdhrin për mbylljen e shkollave deri në 8 Mars.
Ai tha se nuk është kompetencë e tij që të merr vendim për ndeshjet e futbollit.
Juventusi ka njoftuar se nesër e martë (3 mars), Maurizio Sarri do të jetë përballë gazetarëve në konferencën për shtyp. /Telegrafi/