Në Itali tashmë është bërë e ditur se coronavirusi ka arritur edhe tek ta, andaj ndeshjet në Serie A e garat e ndryshme në vend, po zhvillohen pa tifozë.
Federata e Futbollit të Italisë ditë më parë ka marrë vendim që përballjet të zhvillohen pa prezencën e tifozëve shkaku i përhapjes së virusit që ka origjinë nga Kina.
Disa ndeshje në Itali janë anuluar, kurse disa të tjera janë luajtur pa tifozë, si pasojë e përhapjes së coronavirusit.
Zonat si Lombardia, Veneto e Emilia-Romagna janë zonat më të prekura nga ky virus, dhe për tifozët që vijnë nga kjo zonë, dyert e ndeshjes Juventus – Milan do të jenë të mbyllura. Ky lajm është konfirmuar edhe nga agjencia e lajmeve Ansa.
Ndeshja e parë mes dy skuadrave, e luajtur në ‘San Siro’, kishte përfunduar me rezultatin 1:1, dhe gjithçka do të vendoset në ‘Allianz Juventus Stadium’.
Juventus dhe Milan do të përballen të mërkurën e 4 marsit, për të siguruar një biletë në finalen e Kupës së Italisë. /Telegrafi/