Në serialin e ri dokumentar të HBO, aktorja amerikane Jane Fonda flet rreth jetës së saj si aktore, aktiviste dhe një femre që e kërkon identitetin e saj.
Dokumentari është i ndarë në pesë episode, ndërsa katër episodet e para iu kushtohen meshkujve në jetën e 80-vjeçares.
https://twitter.com/tutuzondo/status/1044164358639689728
Nuk mungon edhe një rrëfim për babanë e saj, aktorin Henry Fonda, si edhe tre burrat e aktores.
Fonda ka qenë e martuar për regjisorin francez, Roger Vadim, aktivistin dhe politikanin, Tom Hayden dhe manjatin e mediave, Ted Turner.
Të gjitha martesat e saj kanë përfunduar me shkurorëzim, ndërsa Jane ka thënë se ka arritur t'i tejkalojë.
Pjesë e dokumentarit janë edhe intervistat me legjendën e ekranit, Robert Redford dhe me ish-burrin e Fondas, Ted Turner.
Gjatë karrierës së saj si aktore, Jane ndër tjera ka fituar dy çmime Oscar, dy çmime BAFTA dhe katër çmime Golden Globe. /Telegrafi/