Di Maria zbarkon në Torino, gati nënshkrimi me Juventusin
07/07/2022
Angel Di Maria, ka zbarkuar në Torino dhe nesër do t'i nënshtrohet testeve mjekësore te Juventusi.
‘El Fideo’ ishte në dispozicion si lojtar i lirë pasi kontrata e tij me PSG kishte skaduar.
Juventus negocioi me anësorin me përvojë dhe agjentët e tij për një kohë të gjatë dhe më në fund arriti një marrëveshje njëvjeçare me vlerë 7 milionë euro në sezon.
Ai sapo ka zbritur në Torino me një avion privat, ndërsa është marr nga drejtuesit e klubit me vetura nga aeroporti.
Ai do t'i nënshtrohet testeve mjekësore me Zonjën e Vjetër të premten në mëngjes. /Telegrafi/