Daniele De Rossi ka thënë se Roma u kthye për ta mposhtur Juventusin falë mbështetjes së madhe të tifozëve.
Giallorossët pranuan gol të parët, mirëpo pastaj shënuan tri herë për ta përmbysur rezultatin.
“Është një rezultat shumë i rëndësishëm për tabelën, sepse Napoli kishte fituar më herët”.
“Juves i mjaftonte një pikë, ne bëmë shumë sakrifica dhe ishte një mbrëmje e bukur. Ishte një sezon i shkëlqyer përkundër asaj që thonë njerëzit”.
“Tifozët reaguan mirë. Nuk dua të dal patetik, por duhet t’i kthehemi mënyrës si ishim në vitet e tetëdhjeta, kur tifozët vinin në numër kaq të madh në secilën ndeshje. E këtillë ishte atmosfera asokohe”.
“Fituam për ta dhe falë tyre, sepse të luash në këtë atmosferë të jep një tjetër frymëzim”, ka deklaruar De Rossi për Mediaset Premium. /Telegrafi/