Bernardo Silva ka kërkuar largimin nga Manchester City dhe duket se kjo gjë do të ndodh gjatë verës.
Me ardhjen e Jack Grealish tek kampionët e Anglisë, hapësirat për portugezin janë më të vogla.
Pep Guardiola e ka pranuar se Bernardo Silva ka kërkuar largimin, derisa ka thënë se klubi pret ofertën e duhur për ta shitur.
E ardhmja e portugezit duket se do të jetë në elitën e futbollit spanjoll La Liga.
Atletico Madrid dhe Barcelona janë dy skuadrat që duan shërbimet e reprezentuesit portugez.
Mesfushori ofensivë pëlqehet jashtëzakonisht shumë nga Diego Simeone, derisa atë e do edhe Barcelona, por katalunasit kanë probleme financiare dhe duket e vështirë për ta marrë.
Edhe Tottenham Hotspur mbetet në garë për lojtarin, pasi mund të kërkojë nga City ta përfshijë në ofertë për Harry Kane.
Gjithsesi kampioni në fuqi i Anglisë e vlerëson rreth 60 milionë euro 26-vjeçarin portugez. /Telegrafi/