Gareth Bale është i vendosur që t'i respektojë tre vitet e mbetura në kontratën e tij me Real Madridin- bën të ditur gazeta AS.
Anësorit uellsian i është bërë e qartë se nuk bën pjesë në planet e Zinedine Zidane dhe klubi spanjoll është në pritje të ofertave, megjithatë ai nuk planifikon të largohet.
Disa herë është spekuluar për largimin e 29-vjeçarit në javët e fundit, ndërkohë që po flitet për një kalim te tij te Manchester Unitedi, si pjesë e marrëveshje që Paul Pogba të kalojë në Santiago Bernabeu.
Mirëpo, paga e lartë e tij (rreth 15 milionë euro për sezon) është një pengesë e madhe për Djajtë e Kuq, të cilët nuk duan ta paguajnë atë shumë.
Për më shumë, vet lojtari nuk është i interesuar të largohet nga Madridi dhe këtë e ka qartësuar edhe agjenti i tij, Jonathan Barnett, i cili ka thënë se Bale nuk dëshiron të largohet. /Telegrafi/