Ariana Grande më në fund e ka publikuar videoklipin e ri muzikor për këngën "Thank U, Next".
Kënga e re do të jetë pjesë e albumit të radhës me të njëjtin emër, ndërsa u kushtohet ish-të dashurve të saj.
Versioni i audio i "Thank U, Next" u publikua në fillim të muajit nëntor, ndërsa këngëtarja tash e ka shoqëruar edhe me videoklip.
Klipi është mjaft interesant duke qenë se Ariana i ka ribërë disa skena të filmave të popullarizuar.
"Legally Blonde", "13 Going on 30", "Bring It On" e "Mean Girls", janë disa prej filmave në të cilët i ka bazuar skenat këngëtarja.
"Nuk e di se a kam qenë ndonjëherë kaq e gëzuar, mirëpo tri ditët e fundit kanë qenë më argëtueset ndonjëherë në jetën time", janë fjalët me të cilat 25-vjeçarja e ka përshkruar videon muzikore.
Kujtojmë që Ariana ka qenë e fejuar me komikun Pete Davidson, mirëpo vendosën që ta ndërprisnin lidhjen.
Para tij, ajo ishte në lidhje me reperin Mac Miller, i cili ndërroi jetë nga mbidoza në muajin shtator. /Telegrafi/