Aksident në fshatin Peran të Podujevës, shtatë të lënduar

Një aksident trafiku ka ndodhur, të dielën rreth orës 17:00.

Si pasojë, shtatë persona kanë pësuar lëndime trupore.

Lajmin e ka konfirmuar Zëdhënësja e Policisë, Flora Ahmeti.

"Rreth orës 17:00 kemi pranuar informatën për një aksident trafiku në fshatin Peran të Podujevës. Në aksident kanë qenë të përfshira dy automjete, ku si pasojë e aksidentit lëndime trupore kanë pësuar shtate persona. Të njëjtit janë dërguar për tretman mjekësor", ka thënë Ahmeti.

Me rastin po merret njësiti i trafikut./Telegrafi/