14/04/2023
Kryeministri i Malit të Zi, Dritan Abazoviq, nesër (e shtunë) do të vizitojë Pejën ku do të takohet me kryetarin e kësaj komune, Gazmend Muhaxheri.
Në kabinetin e kryetarit Abazoviq do të pritet në orën 15:40, ndërsa më pas i shoqëruar nga Muhaxheri do të vizitojë Muzeun Etnografik të Pejës.
Kështu ka bërë të ditur për Telegrafin zëdhënësi i kësaj komune, Faik Zekaj.
Ndryshe, Abazoviq po qëndron në Kosovë në një vizitë tre ditore.
Ai gjatë ditës u takua me kryetarin e Prishtinës, Përparim Rama, i cili ia dhuroi “Çelësin e Prishtinës", si dhe me kryeministrin Albin Kurti me të cilin nënshkroi marrëveshjen për shërbime ajrore. /Telegrafi/