Amorim më në fund flet për kalimin te Manchester United: Deri më tani nuk ka asgjë konkrete

Ruben Amorim ka thyer heshtjen e tij, pasi në mediat e ndryshme evropiane është folur se do ta marrë drejtimin e Manchester United.

Trajneri portugez i Sporting Lisbonës ka thënë se deri më tani nuk është vendosur ende.

“Asgjë nuk është vendosur ende… Nuk e di nëse është ndeshja e lamtumirës apo jo,” tha ai për TV portugez.

“Nuk kam asgjë për të thënë më shumë, ne jemi duke e analizuar lojën dhe çdo gjë që them do të krijojë më shumë zhurmë. Nuk ka asgjë konkrete”.

“Nuk dua ta ushqej këtë çështje. Është një deklaratë e klubit për CMVM-në, përveç se ende nuk i dimë detajet, do të shohim… Unë gjithmonë kam marrë përgjegjësinë për vendimet e mia dhe do të jetë këtu për ta bërë këtë, por kur të jem i sigurt për gjërat do të jetë më e lehtë”.

“Manchester United është i interesuar. Por është zgjedhja ime. Derisa gjithçka të vendoset, ne nuk do të bëjmë zhurmë. Nuk kam asgjë të dobishme për të thënë. Do të marr gjithçka që dua të bëj, siç kam bërë gjithmonë”.

“Ajo që di është se nesër do të jem në stërvitje dhe do të përgatitem për ndeshjen kundër Estrela da Amadora”, deklaroi trajneri portugez. /Telegrafi/