Amir Rrahmani një ndër lojtarët më të mirë në fushë në fitoren e Napolit

Napoli shënoi fitore me rezultat 2-1 në shtëpi ndaj Salernitanas këtë të shtunë, në kuadër të xhiros së 20-të në elitën e futbollit italian.

Golat i shënuan Antonio Candreva për mysafirët ndërsa Matteo Politano dhe Amir Rrahmani për vendasit, të cilët pra ishin akterët kryesorë të këtij ballafaqimi.

Një performancë e jashtëzakonshme e kapitenit të Kosovës në aspektin defanziv, u shpërblye në fund me një gol, që doli të ishte ai i fitores për Napolin.

Rrahmani kompletoi 90 minuta në këtë ndeshje, ku përveç golit të shënuar ai ishte mjaft impresiv edhe në disa aspekte të tjera, ku nga SofaScore u vlerësua me notën 8.2..

View this post on Instagram

A post shared by Telegrafi Sport (@telegrafisport)

29-vjeçari kompletoi 104 pasime në këtë ndeshje me një saktësi prej 96 për qind, si dhe kompletoi plotë 12 topa të gjatë në drejtim të bashkëlojtarëve.

Përveç kësaj, Rrahmani fitoi katër duele në fushë si dhe bëri tri spastrime të topit brenda zonës së rrezikshme.

Prej se është bërë pjesë e Napolit, Rrahmani ka qenë një startues i padiskutueshëm në formacion dhe lider i mbrojtjes dhe këtë po e dëshmon edhe tani nën urdhrat e Walter Mazzarrit./Telegrafi/