Se Shqipëria ka vende shumë të bukura po dëshmohet çdo ditë edhe nga personalitete të ndryshme botërore.
Kështu sot, ambasadorja amerikane në NATO, Kay Bailey Hutchison, ka postuar në llogarinë e saj në Twitter një fotografi të bërë mbi tokën e Shqipërisë.
Fotografia shfaq disa ushtarë amerikanë derisa po bënin manovra në kuadër të operacioneve të NATO-s.
“Javën e kaluar regjimenti i 352-të për operacione speciale ka qenë duke mbajtur misione të rëndësishme trajnimi në qiejt e aleatit të NATO-s, Shqipërisë. Forcat tona ushtarake trajnohen krah për krah me aleatët në për të mprehur ndërveprimin dhe të mbetemi gjithnjë të gatshëm për të parandaluar e për t’u mbrojtur”, ka shkruar Kay Bailey Hutchison në Twitter./Telegrafi/
