Ambasada e Rusisë: Zaevi është keqinformuar rreth diplomatit tonë (Cicërimë)

Ambasada e Rusisë në Shkup, përmes profilit zyrtar në Twitter, ka reaguar ndaj Kryeministrit Zoran Zaev, në lidhje me deklaratën e tij rreth largimit të diplomatit rus.

Për TV24, Zaev tha se diplomati rus ishte sjellur në mënyrë të palejueshme në Maqedoni, dhe se është paralajmëruar disaherë, por i njëjti ka vazhduar me veprime që nuk kanë qenë të akredituara.

Sipas Zaevit, dëshmi të tilla i janë prezantuar edhe Ambasadës së Rusisë në Shkup.

Mirëpo, përmes cicërimës, Ambasada thotë se Zaevi është i keqinformuar, dhe se largimi i diplomatit rus ishte një befasi.

“Me qëllim, apo jo, Zoran Zaev është keqinformuar. Largimi i diplomatit tonë ishte befasi. Asnjëherë nuk kemi pranuar paralajmërime, e as “dëshmi” për të cilat flet Kryeministri. Edhe më tej konsiderojmë se ky hap është i pabazë dhe dëmton marrëdhëniet ruso-maqedonase”, thonë nga Ambasada e Rusisë. /Telegrafi/

Намерно или не, @Zoran_Zaev е погрешно информиран. Протерувањето на нашиот дипломат беше изненадување. Никогаш не сме добиле никави предупредувања ниту "докази" за кои зборува Премиерот. И понатаму сметаме дека овој чин е неоснован и нанесува штета на руско-македонските односи pic.twitter.com/uoN6ofhPPv

— Посольство России МК (@Russian_Emb_MKD) April 16, 2018