Alonso flet për derbin e Mançesterit, tregon se si luajnë Guardiola dhe Mourinho (Video)

Xabi Alonso ka pasur fatin që t’i udhëhiqet nga trajnerët më të fortë në botë.

Ai vazhdon karrierën e tij te Bayern Munich, dhe për trajner ka Carlo Ancelottin.

Por ai ka folur për derbin e Mançesterit dhe përballjen e parë në Ligën Premier mes dy ish trajnerëve të tij, Pep Guardiola dhe Jose Mourinho.

Alonso që për trajner te Real Madridi e ka pasur Mourinhon dhe te Bayern Munich, Guardiolan, ka folur me ish shokun e tij të skuadrës te Liverpooli, Jamie Carragher, për taktikat dhe diferencat mes trajnerëve.

Vendosja e mesfushorëve

Duke përdorur një tabelë në mur, Alonso ka treguar se si i vendosin mesfushorët të dy trajnerët.

Mourinho pëlqen të vendos dy lojtarë krah për krah, ndërsa Guardiola preferon një, që futet thellë, ndonjëherë dhe mes mbrojtësve.

Qëllimi i kësaj është që ta sjellë topin nga mbrojtja, duke formuar një trekëndësh me qendërmbrojtësit.

Taktika e Guardiolas është më shumë e vendosur në mbajtjen e topit, gjë që do t’ia lejojë Mou, pasi ai mendon me shumë në mbrojtje, por jo kontrollin e lojës, pasi skuadrat e portugezit dinë të sulmojnë.

Alonso thotë se krahët si të mbrojtjes ashtu edhe të sulmit do të luajnë një rol vendimtar. /Telegrafi/

https://www.youtube.com/watch?time_continue=165&v=vS8FrvTdubg