Albanese, Johnson dhe Blinken dënojnë aktin e plagosjes së ish-kryeministri japonez

Ish-kryeministri japonez, Shinzo Abe është plagosur pas të shtënave me armë gjatë një fjalimi në qytetin Nara.

Kryeministri australian, Anthony Albanese tha se kjo ishte një ngjarje tronditëse dhe se mendimet e tij ishin me familjen e ish-kryeministrit dhe popullin e Japonisë, raporton cnn.

Ish-kryeministri australian, Scott Morrison tha se ishte thellësisht i prekur nga lajmi dhe se Shinzo Abe është “një nga udhëheqësit më të rëndësishëm globalë të epokës së pasluftës”.

Utterly appalled and saddened to hear about the despicable attack on Shinzo Abe.

My thoughts are with his family and loved ones.

— Boris Johnson (@BorisJohnson) July 8, 2022

Ndërkohë, kryeministri britanik, Boris Johnson tha të premten se ishte “shumë i tmerruar dhe i pikëlluar kur dëgjoi për sulmin e neveritshëm” ndaj ish-liderit japonez.

“Mendimet e mia janë me familjen dhe të dashurit e tij”, shkroi Johnson në Twitter.

Lexo po ashtu Momenti i plagosjes të ish-kryeministrit japonez, Abe

Sekretari amerikan i Shtetit, Antony Blinken është shprehur i tronditur për vrasjen e ish-kryeministrit japonez Shinzo Abe.

Duke folur në mbledhjen e ministrave të jashtëm të G20 në Indonezi, Blinken tha se ishte “thellësisht i pikëlluar dhe thellësisht i shqetësuar” nga të shtënat.

“Mendimet tona, lutjet tona janë me të, me familjen e tij, me popullin e Japonisë,” tha Blinken dhe shtoi se “Ky është një moment shumë, shumë i trishtuar. Dhe ne jemi në pritje të lajmeve nga Japonia”.

Raportet e mediave lokale thonë se sulmuesi besohet të jetë një ish-anëtar i Forcës Vetëmbrojtëse Detare të Japonisë, ekuivalenti lokal i një marinsi.

Incidentet e dhunës me armë janë të rralla në Japoni, ku armët e dorës janë të ndaluara – dhe incidentet e dhunës politike janë pothuajse të padëgjuara. /Telegrafi/