Mbrëmë (e hënë) është mbajtur nata finale e spektaklit "Dance With Me 3", e cila në fund të saj zgjodhi fitues çiftin Laura Nezha dhe Renato Mekolli.
Shumë performanca të shkëlqyera dhuruan yjet e spektaklit mbrëmë, teksa vetëm tre prej çifteve ia dolën që të renditen si triumfuesit e mbrëmjes.
Këngëtari Alban Ramosaj dhe partnerja e tij Bora Azemi gjithashtu dhanë një performancë të bukur, gjersa e çuditshme duket të ketë qenë veshja e Albanit në natën e mbrëmshme.
Motra e tij, këngëtarja Beatrix Ramosaj, ka publikuar në Instagram Story një video ku shfaq vëllain e saj në skenë, i cili gjatë njërës prej performancave kishte veshur një dantellë të bardhë, e cila dukej më shumë si fustan.
Në pamje të parë mund ta mendojmë si një veshje nga tradita e jugut, mirëpo mungesa e plisit në kokë nuk e justifikon këtë gjë.
Albani dukej sikur kishte vendosur të performonte me fustan në finalen e spektaklit! /Telegrafi/
Alban Ramosaj në natën finale të "Dance With Me 3". Foto nga Instagram Story.
