Për kompaninë Al Trade tashmë është bërë traditë i aktiviteteve kreative për 1 Qershor, dhe ndryshe nga shumë kompani të tjera ata mundohen ta bëjnë në një mënyrë unike.
Fëmijët janë pjesa më e rëndësishme e shoqërisë, janë e ardhmja e një vendi, prandaj është gjithmonë e rëndësishme t’ju kushtohet rëndësi ekzistencës së tyre por në të njëjtën kohë, t’ju mësohen gjërat dhe pjesët më të rëndësishme të jetës.
1 Qershori është Dita Ndërkombëtare e tyre, dhe shënimi i aktiviteteve të ndryshme së bashku me të rriturit është parësor.
Për çdo vit Al Trade bashkë me fëmijët bën mbjelljen e fidaneve në vende të ndryshme, një formë atraktive nga e cila jo vetëm se lumturohen por edhe mësojnë për rëndësinë e ruajtjes dhe mirëmbajtjen e ambientit, si dhe rolin që luan në jetën e tyre.
Të pranishëm me Al Trade dhe fëmijët ishin edhe persona me pozita të larta në Komunën e Prishtinës, ndër ta edhe Drejtorja e Hapësirave Publike dhe Parqeve, Donika Çetta e cila nuk kurseu fjalët e mira për iniciativën e ndërmarrë nga Al Trade.
Ky aktivitet nuk u zhvillua vetëm në Prishtinë, por gjithashtu në Fushë Kosovë dhe Drenas.
